جہلم: ڈپٹی کمشنر Mir Raza Ozgan نے للہ انٹرچینج پراجیکٹ کی سائٹ کا تفصیلی دورہ کیا، جس میں ممبر قومی اسمبلی Chaudhry Farooq Altaf بھی خصوصی طور پر ان کے ہمراہ تھے۔
اس مشترکہ دورے کا مقصد جاری ترقیاتی کاموں کی پیش رفت کا جائزہ لینا اور عوامی مفاد کے اس منصوبے کو جلد از جلد مکمل کرنا تھا۔ اس موقع پر اسسٹنٹ کمشنر جہلم آفتاب اشرف، ایکسین ہائی وے اور تحصیلدار بھی موجود تھے۔
ڈپٹی کمشنر جہلم کی عوامی سماعت، شہری مسائل پر فوری کارروائی کی ہدایات
ایم این اے چوہدری فرخ الطاف نے منصوبے کے مختلف حصوں کا معائنہ کیا اور تعمیراتی کام کے معیار پر اطمینان کا اظہار کیا۔ انہوں نے متعلقہ حکام کو ہدایات جاری کرتے ہوئے کہا کہ وفاقی حکومت کے اس اہم منصوبے کی بروقت تکمیل کو ہر صورت یقینی بنایا جائے تاکہ علاقے کے عوام کو جدید سفری سہولیات میسر آ سکیں۔ انہوں نے ضلعی انتظامیہ کے تعاون اور نگرانی کے عمل کو بھی سراہا۔
