ایرانی پارلیمنٹ کے اسپیکر محمد باقر قالیباف نے امریکی صدر ڈونلڈ ٹرمپ کی دھمکیوں پر سخت ردعمل دیتے ہوئے کہا ہے کہ ایران اپنے وطن کے دفاع کے لیے ہر قربانی دینے کا عادی ہے۔
محمد باقر قالیباف نے کہا کہ ایران کے عوام اپنے ملک سے محبت میں خون اور جوانیاں قربان کرنے کا حوصلہ رکھتے ہیں۔ ان کا کہنا تھا کہ اگر کوئی ان کے ملک کی طرف بڑھے گا تو اسے بھرپور مزاحمت کا سامنا کرنا پڑے گا، اور ایرانی قوم سر اٹھا کر مقابلہ کرے گی۔
یہ بیان اس وقت سامنے آیا جب ڈونلڈ ٹرمپ نے ایران کو سخت نتائج کی دھمکی دیتے ہوئے کہا تھا کہ اگر حالات قابو میں نہ آئے تو ایران کو “پتھر کے دور” میں بھیجا جا سکتا ہے۔ انہوں نے جنگ بندی کو آبنائے ہرمز کی بحالی اور سیکیورٹی سے مشروط بھی قرار دیا تھا۔
امریکا کا ایران کے خلاف آپریشن تیز کرنے کا اعلان، آئندہ ہفتوں میں مزید کارروائی کا عندیہ
اپنے بیان میں ڈونلڈ ٹرمپ نے یہ بھی کہا کہ ایران کی نئی قیادت نسبتاً کم شدت پسند اور زیادہ سمجھدار ہے، اور ان کی جانب سے جنگ بندی کی درخواست موصول ہوئی ہے، جس پر غور کیا جا سکتا ہے، تاہم اس کے لیے خطے میں استحکام ضروری شرط ہوگا۔
