امریکا میں سی بی ایس فلیڈیلفیا کے ریٹائرڈ نیوز اینکر جِم ڈونوون نے رنگ برنگی جرابوں کا حیران کن مجموعہ جمع کر کے گینیز ورلڈ ریکارڈ قائم کر دیا ہے۔
ڈونوون نے بتایا کہ دوران ملازمت ان کی منفرد جرابیں ناظرین کی توجہ کا مرکز بن گئی تھیں، جس کے بعد مداحوں نے انہیں نئی اور دلچسپ جوڑیاں بھیجنا شروع کر دی تھیں۔ ان جرابوں میں بعض پر ان کا چہرہ بھی بنا ہوتا تھا، جو مجموعے کو مزید خاص بناتا تھا۔
گینیز ورلڈ ریکارڈز کی جانب سے تصدیق کی گئی ہے کہ ان کے مجموعے میں کل 1531 منفرد جوڑیاں شامل ہیں، جو کسی بھی شخص کے پاس سب سے زیادہ منفرد جرابوں کے مجموعے کا ریکارڈ ہیں۔
مائیکل جیکسن کی میلی جرابیں 88 سو ڈالر میں نیلام، پرانی مگر قیمتی یادگار
ڈونوون نے کہا کہ کئی سالوں تک مداحوں کی طرف سے بھیجی جانے والی یہ جرابیں ان کے لیے یادگار اور دلچسپ تھیں، اور ان میں سے بہت ساری پر ان کا چہرہ بنا ہوا تھا۔ ان کا کہنا تھا کہ یہ مجموعہ نہ صرف مزاحیہ بلکہ تخلیقی انداز میں بھی قابلِ تعریف ہے، اور انہیں فخر ہے کہ وہ گینیز ورلڈ ریکارڈ میں شامل ہو گئے ہیں۔
یہ انوکھا ریکارڈ اس بات کی مثال ہے کہ کس طرح ایک چھوٹی اور منفرد شوق کی چیز بھی عالمی سطح پر شناخت حاصل کر سکتی ہے۔
