146
ڈنگہ،گجرات کی تحصیل ڈنگہ کے نواحی گاؤں پوڑانوالہ میں ایک افسوسناک واقعہ پیش آیا جہاں سابق شوہر نے مطلقہ بیوی کے جہیز کو نذرِ آتش کر دیا، جس سے لاکھوں روپے مالیت کا سامان جل کر خاکستر ہو گیا۔
ذرائع کے مطابق مذکورہ شخص کی چھ سال قبل فلاں خاندان کی لڑکی سے شادی ہوئی تھی، جس سے اس کے تین بچے بھی پیدا ہوئے۔ تاہم ازدواجی تعلقات کشیدہ ہونے پر تین ماہ قبل طلاق دے دی گئی اور بیوی کو اس کے میکے بھیج دیا گیا۔
مطلقہ بیوی کے اہل خانہ کی جانب سے بار بار جہیز واپس کرنے کا مطالبہ کیا جا رہا تھا، جس پر سابق شوہر نے تنگ آ کر انتہائی قدم اٹھاتے ہوئے سارا جہیز آگ لگا کر جلا دیا۔
واقعے کی اطلاع ملنے پر متاثرہ خاندان نے تھانہ ڈنگہ پولیس سے رجوع کیا، جس پر پولیس نے فوری طور پر مقدمہ درج کرتے ہوئے تفتیش شروع کر دی ہے۔
علاقہ مکینوں نے اس واقعے پر شدید ردعمل کا اظہار کرتے ہوئے مطالبہ کیا ہے کہ ملزم کو سخت قانونی سزا دی جائے تاکہ مستقبل میں کوئی شخص ایسی حرکت کا مرتکب نہ ہو۔
