6
سابق قومی کرکٹر صہیب مقصود کی 9 ماہ بعد چوری شدہ گاڑی بازیاب کر لی گئی۔
گاڑی کی واپسی پر صہیب مقصود نے وفاقی وزیر داخلہ محسن نقوی اور وزیراعلیٰ پنجاب مریم نواز کا شکریہ ادا کیا۔صہیب مقصود نے کہا کہ میری گاڑی نو مہینے بعد واپس ملی، سچ کی ہمیشہ جیت ہوتی ہے۔
انہوں نے بتایا کہ پنجاب پولیس اور حکومتِ پنجاب کے نمائندے گزشتہ تین چار روز سے مسلسل رابطے میں رہے اور مکمل تعاون فراہم کیا۔یاد رہے کہ چند روز قبل صہیب مقصود نے سوشل میڈیا پر اپنی گاڑی کی بقیہ رقم اور کیش فراڈ سے متعلق بیان جاری کیا تھا، جس کے بعد حکام نے فوری کارروائی کی۔
کارروائی کے نتیجے میں گاڑی بازیاب کرالی گئی جس پر سابق کرکٹر نے اطمینان اور خوشی کا اظہار کیا۔
