بیجنگ: چین نے اپنے تیسرے اور جدید ائیرکرافٹ کیریئر فوجیان سے اسٹیلتھ فائٹر J-35 کی کامیاب کیٹاپلٹ لانچ کر کے فوجی ہنر میں اہم سنگ میل عبور کر لیا ہے۔ سرکاری میڈیا کے مطابق فوجیان کے الیکٹرو میگنیٹک کیٹاپلٹس کے ذریعے J‑15T، J‑35 اور KJ‑600 ارلی وارننگ اینڈ کنٹرول طیارے بیک وقت لانچ کیے گئے۔
یہ پہلا موقع ہے کہ J‑35 نے کسی ائیرکرافٹ کیریئر سے اڑان بھری، اور شائع شدہ فوٹیج میں دکھایا گیا کہ اسٹیلتھ طیارہ فوجیان کے فلائٹ ڈیک سے کیٹاپلٹ کے ذریعے پرواز پر روانہ ہوا۔ ماہرین کا کہنا ہے کہ یہ تجربات چین کی بحری فضائی قوت میں نمایاں اضافہ اور فوجیان کی لانچ و ریکوری صلاحیت کو عالمی معیار کے قریب لانے کا ثبوت ہیں۔
چین نے مصنوعی ذہانت کی مدد سے ڈیم تعمیر کر لیا، پانی ذخیرہ کرنے کا آغاز
رپورٹس کے مطابق یہ ٹیسٹنگ ستمبر کے آغاز میں بیجنگ میں ہونے والی فوجی پریڈ سے قبل کی گئی؛ فوجیان چین کا پہلا مکمل طور پر ملکی ڈیزائن شدہ ائیرکرافٹ کیریئر ہے اور اسے روایتی ایندھن سے چلنے والا دنیا کا سب سے بڑا کیریئر قرار دیا جاتا ہے۔ تین جدید الیکٹرو میگنیٹک کیٹاپلٹس نہ صرف بھاری طیاروں کو لانچ کرنے میں معاون ہیں بلکہ کیریئر کی آپریشنل فِیصلہ کن صلاحیتوں کو بھی بڑھاتے ہیں۔
