ارشد ندیم کی تھروز کا شاندار سلسلہ

جنوبی کوریا کے شہر گومی میں ہونے والے مقابلوں میں ارشد ندیم نے اپنی پہلی تھرو میں 75.64 میٹر کا فاصلہ عبور کیا۔ دوسری کوشش میں ان کی تھرو 76.80 میٹر رہی، جب کہ تیسری کوشش میں انہوں نے شاندار کارکردگی کا مظاہرہ کرتے ہوئے 85.57 میٹر کی تھرو کی، جو ان کی بہترین تھرو ثابت ہوئی۔ چوتھے راؤنڈ میں انہوں نے 83.99 میٹر کی تھرو کی، جس کے بعد وہ مسلسل برتری کے ساتھ چارٹ پر پہلے نمبر پر رہے اور بالآخر گولڈ میڈل جیتا۔

ارشد ندیم کی اس فتح نے نہ صرف پاکستان کو فخر کا موقع دیا بلکہ ایشین ایتھلیٹکس چیمپئن شپ میں ایک نئی تاریخ بھی رقم کی۔ اس حوالے سے مزید تفصیلات، تجزیے اور ردعمل جاننے کے لیے یہ مکمل رپورٹ پڑھیں۔