معروف پاکستانی اداکارہ انوشے عباسی نے اپنے شوہر اینان عارف سے علیحدگی کی تصدیق کر دی ہے۔
انہوں نے انکشاف کیا کہ ان کی طلاق دراصل 2019 میں ہو چکی تھی، مگر انہوں نے اس بات کو عوامی سطح پر والدہ کی زندگی میں ظاہر نہیں کیا۔
انوشے عباسی جو مشہور ڈرامہ سیریل ’پیارے افضل‘ میں اپنی اداکاری کے لیے جانی جاتی ہیں، نے 2014 میں اداکار اینان عارف سے شادی کی تھی۔ اس شادی کی تصاویر سوشل میڈیا پر کافی وائرل ہوئیں، لیکن یہ رشتہ صرف پانچ سال چل سکا۔
سحر حیات اور سمیع رشید کے درمیان راہیں جدا، طلاق کی تصدیق
اداکارہ نے بتایا کہ طلاق کی خبر کو اس لیے چھپایا کیونکہ ان کی والدہ اس وقت شدید بیمار تھیں اور وہ نہیں چاہتی تھیں کہ لوگ ان کی والدہ سے اس معاملے پر سوالات کریں یا انہیں ذہنی تکلیف پہنچے۔ انوشے کا کہنا تھا، "میں اپنی ماں کو بیمار ہوتے ہوئے پریشان نہیں کرنا چاہتی تھی، اسی لیے اس خبر کو میڈیا سے دور رکھا۔”
انوشے عباسی کے مطابق وقت کے ساتھ ان کے دل کے زخم بھر گئے ہیں اور اب وہ اس ذاتی معاملے پر کھل کر بات کر رہی ہیں۔ انہوں نے 2021 میں اپنی والدہ کے انتقال کے بعد کے مشکل دور کا ذکر کیا، جس میں خاندان نے ایک دوسرے کا بھرپور ساتھ دیا۔ ان کے والد 2012 میں انتقال کر چکے تھے، اور والدہ کے جانے کے بعد تمام بہن بھائی ایک دوسرے کے اور بھی قریب ہو گئے کیونکہ یہی ان کے والدین کی خواہش تھی۔
ارباز خان نے خوشبو سے طلاق کی تصدیق کر دی
یہ انکشاف انوشے عباسی کی ذاتی زندگی کے ایک اہم باب کو بند کرنے کے مترادف ہے۔ انہوں نے کہا کہ اب وہ اس صورتحال کو قبول کر چکی ہیں اور اپنی پیشہ ورانہ زندگی پر بھرپور توجہ دے رہی ہیں۔
