لاہور، طالبہ سے متعلق وائرل خبر کی تحقیقات کے لیے جے آئی ٹی تشکیل دے دی گئی۔
ایس ایس پی انویسٹی گیشن محمد نوید کی سربراہی میں 6 رکنی جے آئی ٹی میں 3 پولیس اور 3 حساس اداروں کے نمائندے شامل ہیں جبکہ جے آئی ٹی کا پہلا اجلاس آج ہی طلب کرلیا گیا ہے۔
علاوہ ازیں اشتعال کو ہوا دینے کے الزام میں 38 افراد کے خلاف ایف آئی اے سائبر کرائم نے ایف آئی آر بھی درج کرلی ہے۔
کالج پرنسپل کی درخواست پر درج مقدمے میں یہ کہا گیا ہے کہ شک ہے اس معاملے میں 2 طلبا کا کردار ہوسکتا ہے، ان طلبا کو ویڈیوز بنانے سے روکنے کے لیے وائس پرنسپل کی جانب سے تنبیہ بھی کی گئی تھی۔
کالج پرنسپل کی درخواست پر سوشل میڈیا پر اس پروپیگنڈے کے بعد ایک پرتشدد ہجوم نے ہمارے کیمپس پر حملہ کیا۔
اسکے علاوہ جوڈیشل مجسٹریٹ کی جانب سے نجی کالج کیس کی خبر وائرل کرنے کے کیس میں ایک ملزم کو مقدمے سے ڈسچارج کرنے کا حکم جاری کردیا گیا ہے، جبکہ کالج واقعات کی تحقیقات کے مقدمے میں آج آئی جی اور ایڈووکیٹ جنرل پنجاب کو لاہور ہائیکورٹ میں طلب کیا گیا ہے۔
