82
انسداد دہشت گردی عدالت لاہور میں جج ارشد جاوید نے 9 مئی کے مقدمات کی عبوری ضمانت کی درخواستوں پر سماعت کی۔
سابق وفاقی وزیر فواد چودھری اور اسد عمر نے عدالت پیش ہو کر حاضری مکمل کروائی جبکہ شاہ محمود قریشی اور اعظم سواتی کے جیل وارنٹ عدالت میں پیش کئے گئے۔
بانی پی ٹی آئی عمران خان کی بہن علیمہ خان اور عظمیٰ خان کی جانب سے حاضری معافی کی درخواستیں دائر کی گئیں۔
جس میں وکلاء کی جانب سے موقف اختیار کیا گیا کہ عمران خان سے آج فیملی کی ملاقات کا دن ہے اور علیمہ خان اور عظمیٰ خان بانی پی ٹی آئی سے ملنے اڈیالہ جیل گئی ہیں لہٰذا حاضری معافی کی درخواست منظور کی جائے۔
جس پر عدالت نے علیمہ خان، عظمیٰ خان، اسد عمر، عمر ایوب اور فواد چودھری سمیت 104 ملزمان کی عبوری ضمانتوں میں 12 فروری تک توسیع کر دی۔
