82
رہنما جمیعت علمائے اسلام (جے یو آئی) حافظ حمد اللہ کا کہنا ہے کہ سابق وزیراعظم عمران خان کے پاس بار بار جا رہے ہیں لیکن وہ نئے الیکشن کی بات کرتے ہیں۔ جے یو آئی رہنما نے کہا کہ پاکستان میں عام انتخابات کو ابھی 1 سال بھی نہیں ہوا نئے الیکشن کیسے کروائے جائیں۔
حافظ حمد اللہ نے بتایا کہ سابق وزیراعظم عمران خان باہر جانے کو تیار نہیں، بانی پی ٹی آئی سے 9 مئی پر قوم سے معافی مانگنے کی بات کرو تو عمران خان کہتا ہے شواہد لے آئیں پھر بات کرتے ہیں۔
جے یو آئی (ف) کے رہنما کا کہنا تھا کہ ن لیگ اور پی پی پی نے الیکشن میں وہی کیا جو وہ نہ کرنے کا کہتے تھے۔
حافظ حمد اللہ کا کہنا تھا کہ پاکستان میں کسی بھی معاملے پر بریک تھرو ہوسکتا ہے، سابق آمر مشرف پہلے نوازشریف اور بے نظیر کو ملک کیلئے سکیورٹی رسک کہتا تھا پھر مشرف نے ہی دبئی میں بی بی سے این آر او کیا۔
دوسری جانب عمران خان کی اہلیہ بشریٰ بی بی کی ترجمان مشعال یوسف زئی اور مریم ریاض وٹوکا کہنا ہے کہ بانی پی ٹی آئی کو پارٹی کے ’’کمپرومائزڈ‘‘ لیڈروں سے زیادہ بشریٰ بی بی پر اعتماد ہے۔
