277
عدالتی احکامات پر سابقہ وفاقی وزیر چودھری مونس الہٰی کا شناختی کارڈ بلاک کردیا گیا ہے۔
لاہور، عدالتی احکامات پر اینٹی منی لانڈرنگ مقدمے میں سابقہ وفاقی وزیر چودھری مونس الہٰی کا شناختی کارڈ بلاک کردیا گیا ہے۔
ترجمان ایف آئی اے کا کہنا ہے کہ سابقہ وفاقی وزیر مونس الہٰی کا پاسپورٹ بھی کنٹرول لسٹ میں ڈال دیا گیا ہے، مونس الہٰی کیساتھ 5 دیگر ملزمان کے شناختی کارڈز بھی بلاک کئے گئے ہیں۔
ترجمان کا کہنا ہے کہ ملزمان کے شناختی کارڈز منی لانڈرنگ کیس میں بلاک کیے گئے ہیں۔
سابقہ وفاقی وزیر کے علاوہ جن دیگر ملزمان کے شناختی کارڈز منی لانڈرنگ کیس میں بلاک کیے گئے ان میں عامر سہیل، عمیر فیاض، امتیاز علی شاہ، فراست علی اور عابد علی خان شامل ہیں۔
ڈائریکٹر ایف آئی لاہور زون سرفراز خان ورک کے مطابق منی لانڈرنگ میں ملوث ملزمان کسی قسم کی رعایت کے مستحق نہیں، عدالت ملزمان کے خلاف جو بھی احکامات جاری کرے گی ان پر عمل درآمد ہوگا۔
