31
اسلام آباد کی انسداد دہشت گردی عدالت نے 26 نومبر کے احتجاج کیس میں بشریٰ بی بی کی ضمانت میں 5 مئی تک توسیع کر دی۔
جج ابوالحسنات محمد ذوالقرنین نے بشریٰ بی بی کے خلاف درج مقدمات پر درخواست ضمانت کی سماعت کی۔
دوران سماعت، بشریٰ بی بی کی جانب سے حاضری سے استثنیٰ اور تفتیش میں شامل ہونے کی درخواست دائر کی گئی۔
عدالت نے سابق وزیراعظم عمران خان کی اہلیہ بشریٰ بی بی کی عبوری ضمانت میں توسیع کرتے ہوئے کیس کی سماعت 5 مئی تک ملتوی کر دی۔
واضح رہے کہ بشریٰ بی بی کے خلاف تھانہ مارگلہ میں دہشت گردی کی دفعات کے تحت مقدمہ درج ہے۔
