15 اسلام آباد کی ضلعی عدالت نے 26 نومبر کے احتجاج سے متعلق مقدمے میں سابق خاتونِ اول بشریٰ بی بی کو تفتیش میں شامل کرنے کا حکم جاری کر دیا ہے، جبکہ ان کی عبوری ضمانت میں 6 مئی تک توسیع کر دی گئی۔
اسلام آباد کی ضلعی عدالت نے 26 نومبر کے احتجاج سے متعلق مقدمے میں سابق خاتونِ اول بشریٰ بی بی کو تفتیش میں شامل کرنے کا حکم جاری کر دیا ہے، جبکہ ان کی عبوری ضمانت میں 6 مئی تک توسیع کر دی گئی۔
ڈسٹرکٹ اینڈ سیشن کورٹ اسلام آباد میں ایڈیشنل سیشن جج چودھری عامر ضیاء نے مقدمے کی سماعت کی۔
بشریٰ بی بی کی جانب سے قبل از گرفتاری ضمانت کی درخواست پر غور کرتے ہوئے عدالت نے تفتیشی افسر کو ہدایت کی کہ وہ انہیں شاملِ تفتیش کریں۔
سماعت کے دوران بشریٰ بی بی کی حاضری سے استثنیٰ کی درخواست بھی جمع کرائی گئی، جو ان کے وکیل خالد یوسف چودھری نے دائر کی۔
اس موقع پر پراسیکیوشن کی جانب سے بیرسٹر فہد ارسلان چودھری، محمد عثمان رانا ایڈووکیٹ اور بیرسٹر منصور اعظم بھی عدالت میں موجود تھے۔
یاد رہے کہ بشریٰ بی بی کے خلاف تھانہ رمنا میں 26 نومبر کو ہونے والے احتجاج کے تناظر میں مقدمہ درج کیا گیا ہے۔
