103
اسلام آباد، چیئرمین سینیٹ سیّد یوسف رضا گیلانی کی جانب سے لاہور کی کوٹ لکھپت جیل میں 18 ماہ سے قید سینیٹر اعجاز احمد چودھری کے پروڈکشن آرڈر جاری کردیے گئے۔
چیئرمین سینیٹ نے ایوان بالا میں قائد حزب اختلاف سینیٹر شبلی فراز کی درخواست پر رولز کے مطابق پروڈکشن آرڈر جاری کیے۔
سینیٹر اعجاز چودھری کے پروڈکشن آرڈر کی کاپیاں سیکرٹری داخلہ، چیف سیکریٹری پنجاب اور متعلقہ حکام کو جاری کردی گئیں۔
یوسف رضا گیلانی کی جانب سے احکامات جاری کیے گئے ہیں کہ سینیٹ کے 345 ویں اجلاس میں سینیٹر اعجاز چودھری
کی شرکت کو یقینی بنایا جائے، چیئرمین سینیٹ کا کہنا ہے کہ اجلاس میں ان کی شرکت ازحد ضروری ہے۔
چیئرمین سینیٹ کی جانب سے سینیٹ کے قواعد و ضوابط 2012 کے رول 84 کے تحت دیے گئے اختیارات کا استعمال کرتے ہوئے یہ احکامات جاری کیے گئے۔
یاد رہے کہ سینیٹ کا اجلاس کل 14 جنوری بروز منگل کو شام 4 بجے پارلیمنٹ ہاؤس میں ہوگا۔
