113
16سال سے مطلوب خطرناک اشتہاری ملزم کو سعودی عرب سے گرفتار کرلیا گیا۔
اسلام آباد، ایف آئی اے کی جانب سے انٹرپول کی مدد سے پختونخوا پولیس کو 16 سال سے مطلوب خطرناک اشتہاری ملزم کو سعودی عرب سے حراست میں لے لیا گیا ہے۔
تفصیلات کے مطابق اقدام قتل کے کیس میں مطلوب خطرناک اشتہاری ملزم کو سعودی عرب سے حراست میں لیا گیا، ملزم علی زمان کو سعودی عرب سے گرفتار کر کے اسلام آباد ایئرپورٹ منتقل کر دیا گیا۔
ملزم گزشتہ 16 برس سے پختونخوا پولیس کو مطلوب تھا، ملزم کے خلاف سال 2008 میں تھانہ واری اپر دیر میں مقدمہ درج ہوا تھا۔
ایف آئی اے انٹرپول کی جانب سے ملزم کی گرفتاری کیلئے ریڈ نوٹس جاری کیا گیا تھا۔
ملزم کو بعد ازاں ایف آئی اے امیگریشن اسلام آباد نے کے پی پولیس حکام کے حوالے کر دیا۔
