غزہ میں اسرائیلی جارحیت تاحال جاری ہے، 24 گھنٹے میں مزید 38 فلسطینی شہید جبکہ 137 زخمی ہوگئے۔
اسرائیلی فوج کی جانب سے کمال عدوان ہسپتال کے قریب حملہ کیا گیا، ہسپتال کے آئی سی یو ڈائریکٹر اور طبی عملے کے 2 ارکان شہید ہوگئے، صیہونی فورسز نے کمال عدوان ہسپتال کی ایمبولینس کو نشانہ بنایا، ہسپتال روزانہ حملوں کے باعث غیر فعال ہو گیا۔
اسرائیل کی طرف سے شمالی غزہ کا محاصرہ جاری رہا، مقبوضہ مغربی کنارے میں تلکرم پناہ گزین کیمپ پر چھاپے مارے گئے، تلکرم میں گزشتہ روز 8 فلسطینیوں کو شہید کر دیا گیا۔
7اکتوبر 2023ء سے جاری جنگ میں شہید فلسطینیوں کی تعداد 45 ہزار 399 تک پہنچ گئی،1 لاکھ 7 ہزار 940 زخمی ہوچکے، اسرائیلی فورسز کی جانب سے غزہ کی سخت ناکہ بندی کی گئی ہے، اور امدادی سامان لے جانے پر بھی پابندی عائد کردی گئی ہے۔
امدادی سامن نہ پہنچنے کی وجہ سے غزہ کے پناہ گزین کیمپ میں 4 بچے سردی کی وجہ سے دم توڑ گئے۔
دوسری جانب وفاقی وزیر داخلہ محسن نقوی کی جانب سے سی ڈی اے کو قبضہ مافیا کیخلاف بلا امتیاز کارروائی کا حکم دے دیا گیا۔
