معروف اور خوبرو بالی ووڈ اسٹار سلمان خان کو ددھمکیاں ینے والے شخص کو گرفتار کرلیا گیا ہے۔
ممبئی پولیس کی جانب سے بالی ووڈ سپر سٹار سلمان خان اور ذیشان صدیق کو قتل کی دھمکی دینے پر 56 سالہ شخص کو حراست میں لے لیا گیا ہے۔
غیر ملکی میڈیا کے مطابق اعظم نامی شخص نے منگل کو یہ دھمکی ممبئی ٹریفک پولیس کے واٹس ایپ ہیلپ لائن نمبر پر بھیجی تھی، جس میں کہا گیا کہ ان لوگوں کا انجام بھی بابا صدیق کی طرح ہو گا۔
ممبئی پولیس کی جانب سے کال ڈیٹیل ریکارڈ کی مدد سے ملزم تک رسائی حاصل کی گئی ہے۔
پولیس کا کہنا ہے کہ گرفتار ہونے والے شخص کے مطابق یہ مذاق نہیں ہے، بالی ووڈ اسٹار سلمان خان اور ذیشان صدیق کو 2 کروڑ روپے دینے کو کہو ورنہ انجام معلوم ہو جائے گا۔
یاد رہے کہ 12 اکتوبر کو ممبئی میں بابا صدیق کو انکے بیٹے ذیشان کے دفتر کے باہر فائرنگ کرکے قتل کیا گیا تھا۔
قتل میں ملوث 2 ملزمان کو گرفتار کرلیا گیا تھا جبکہ واقعے کی ذمہ داری بشنوئی گینگ نے قبول کرلی تھی اور کہا تھا کہ جو بھی سلمان خان کا ساتھ دے گا اسکا یہی انجام ہوگا۔
علاوہ ازیں دوران تفتیش ملزمان نے اس بات کا انکشاف کیا کہ ذیشان صدیق بھی انکے نشانے پر ہیں۔
