یوٹیلیٹی اسٹورز پر بھی گھی اور تیل کی قیمتوں میں اضافہ کردیا گیا۔
حکام کا کہنا ہے کہ یوٹیلیٹی اسٹورز پر مختلف برانڈز کے کوکنگ آئل اور گھی کی قیمتوں میں اضافہ کیا گیا ہے۔ حکام کے مطابق یوٹیلیٹی اسٹورز پر کوکنگ آئل کی قیمت میں 55 روپے تک جبکہ گھی کی قیمت میں 46 روپے تک فی کلو کا اضافہ کیا گیا ہے۔
حکام نے یہ بتایا کہ کوکنگ آئل اور گھی کی قیمتوں میں اضافے کا اطلاق فوری طور پر کر دیا گیا۔ حکام کا کہنا تھا کہ جس قیمت پر خریداری کرتے ہیں اسی حساب سے رد و بدل کیا جاتا ہے۔
دوسری جانب پاکستان ٹیلی کام اتھارٹی نے ملک میں غیر رجسٹرڈ وی پی این بلاک کرنا شروع کردیے ہیں۔
ذرائع کا کہنا ہے کہ پی ٹی اے کی جانب سے ملک میں غیر رجسٹرڈ وی پی این بلاک کرنا شروع کردیے گئے ہیں اور یہ فیصلہ وی پی این کی وائٹ لسٹنگ کے لیے کیا گیا ہے۔
ذرائع نے کہا کہ غیر رجسٹرڈ وی پی این سکیورٹی رسک ہیں، غیر رجسٹرڈ اور غیرقانونی وی پی این سے حساس ڈیٹا تک رسائی ہوسکتی ہے جبکہ غیر رجسٹرڈ وی پی این سے غیرقانونی مواد تک رسائی بھی ہوسکتی ہے۔
