67
ملک میں ہفتہ وار مہنگائی کی شرح میں 0.09 فیصد کی معمولی کمی ریکارڈ کی گئی۔
ملک میں ہفتہ وار مہنگائی کی شرح میں 0.09 فیصد کی معمولی کمی ریکارڈ کی گئی ہے۔ ادارہ شماریات کی جانب سے ہفتہ وار مہنگائی کے اعداد و شمار جاری کر دیے گئے ہیں۔
ادارہ شماریات کے مطابق:
- ہفتہ وار مہنگائی کی سالانہ شرح 0.87 فیصد پر آ گئی۔
- ایک ہفتے میں 13 اشیائے ضروریہ مہنگی، 20 اشیاء سستی اور 18 اشیاء کی قیمتیں مستحکم رہیں۔
مہنگی ہونے والی اشیاء
- کیلے 18 روپے فی درجن تک مہنگے ہوئے۔
- چینی 5 روپے اضافے کے ساتھ 162.64 روپے فی کلو تک پہنچ گئی۔
- ایل پی جی کا گھریلو سلنڈر 83.25 روپے مہنگا ہوا۔
- انڈے 7.23 روپے، مٹن 6.56 روپے، 20 کلو آٹے کا تھیلا 3.91 روپے اور بیف 50 پیسے مہنگا ہوا۔
- کپڑے، گڑ، سگریٹ اور چاول بھی مہنگی ہونے والی اشیا میں شامل ہیں۔
کراچی: کورنگی میں گیس کھینچنے والی مشین پھٹنے سے 3 افراد جھلس گئے
سستی ہونے والی اشیاء
- پیاز 4.95 روپے، ٹماٹر 2 روپے، آلو 2 روپے، دال ماش 4 روپے اور باسمتی ٹوٹا چاول 3 روپے تک سستے ہوئے۔
- تازہ دودھ، دال مونگ اور دہی بھی سستی ہونے والی اشیاء میں شامل ہیں۔
ادارہ شماریات کے مطابق مہنگائی کی مجموعی شرح میں کمی تو آئی ہے، مگر کئی بنیادی اشیاء کی قیمتوں میں اضافہ بدستور جاری ہے۔
