لاہور پولیس کی جانب سے گھریلو ملازمہ سے جنسی زیادتی کرنیوالے ملزم کو حراست میں لے لیا گیا۔
ایس پی کینٹ کی ہدایت پر ڈیفنس بی پولیس نے 15 کال پر فوری ایکشن لیتے ہوئے زیادتی کرنیوالے ملزم، گھر کے مالک مقصود کو حراست میں لیکر جیل میں بند کردیا گیا۔
ترجمان پولیس کے مطابق ملزم کی جانب سے ملازمہ آسیہ بی بی کو اپنے کمرے کی صفائی کے لیے بلایا گیا اور زبردستی زیادتی کا نشانہ بنا ڈالا، ملزم مقصود نے ملازمہ کو زیادتی کا نشانہ بنایا اور کسی کو بتانے پر سنگین نتائج کی دھمکیاں دی۔
ترجمان کے مطابق متاثرہ خاتون کے شوہر عاطف علی کی مدعیت میں نامزد ملزم مقصود کیخلاف مقدمہ درج کرلیا گیا، مزید تفتیش کے لیے جینڈر سیل کے حوالے کیا گیا ہے۔
ایس پی کینٹ اویس شفیق کی جانب سے فوری کارروائی پر ایس ایچ او ڈیفنس بی حسن علی اور پولیس ٹیم کو شاباش دیتے ہوئے کہا گیا کہ خواتین کا استحصال کرنے والے کو کیفر کردار تک پہنچایا جائیگا۔
دوسری جانب پشاور کی مشہور ٹک ٹاکر سیما گل المعروف ’سائیکو ارباب‘ کی پوسٹ مارٹم رپورٹ تیار کرلی گئی۔
پوسٹ مارٹم رپورٹ میں یہ بتایا گیا ہے کہ سیما گل کی موت 6 اقسام کی نشہ آور گولیاں کھانے سے ہوئی جبکہ خاتون کے ساتھ جنسی زیادتی کے کوئی شواہد نہیں ملے۔
