82
چوہنگ کے علاقے بوھڑ والا چرچ محلہ تالاب میں ایک دل دہلا دینے والا واقعہ پیش آیا جہاں ایک شخص نے اپنی بیوی پر پٹرول چھڑک کر آگ لگا دی۔
لاہور: چوہنگ کے علاقے بوھڑ والا چرچ محلہ تالاب میں ایک ہولناک واقعہ پیش آیا، جہاں گھریلو تنازع کے دوران شوہر نے اپنی بیوی پر پٹرول چھڑک کر آگ لگا دی۔
پولیس کے مطابق، 25 سالہ عروج کے بھائی نے 15 پر کال کر کے اطلاع دی کہ اس کی بہن کے شوہر ناظم نے جھگڑے کے بعد یہ سنگین اقدام کیا۔ واقعے کے نتیجے میں عروج شدید زخمی ہو گئی، جس پر مقامی پولیس نے فوری طور پر موقع پر پہنچ کر شواہد اکٹھے کیے اور کارروائی کا آغاز کر دیا۔
پولیس کا کہنا ہے کہ واقعے کی ابتدائی تفتیش کے مطابق یہ گھریلو تنازع کا شاخسانہ ہے۔ مزید تحقیقات جاری ہیں تاکہ اس افسوسناک واقعے کی وجوہات اور تفصیلات سامنے آسکیں۔
یہ واقعہ ایک بار پھر گھریلو تشدد کے مسئلے کو اجاگر کرتا ہے، جس کی وجہ سے کئی خواتین سنگین نتائج کا سامنا کرتی ہیں۔
