کمشنر گوجرانوالہ و ایڈمنسٹریٹر میونسپل کارپوریشن گجرات سید نوید حیدر شیرازی کی ہدایت پر چیف آفیسر میونسپل کارپوریشن خالق داد گاڑا کی نگرانی میں شہر میں صفائی ستھرائی کے خصوصی اقدامات کیے جا رہے ہیں۔
کمشنر گوجرانوالہ و ایڈمنسٹریٹر میونسپل کارپوریشن گجرات سید نوید حیدر شیرازی کی ہدایت پر شہر میں صفائی ستھرائی کے خصوصی اقدامات کا سلسلہ جاری ہے۔ چیف آفیسر میونسپل کارپوریشن خالق داد گاڑا کی نگرانی میں مختلف علاقوں میں صفائی مہم تیز کر دی گئی ہے۔
اسی سلسلے میں چیف سینیٹری انسپکٹر چوہدری نصراللہ کنگ نے جی ٹی روڈ اسٹیٹ ایریا کے قریب نالوں کی صفائی کا آغاز ہیوی مشینری کی مدد سے کروایا۔ صفائی کا یہ عمل ان کی براہ راست نگرانی میں انجام دیا جا رہا ہے تاکہ بارشوں کے دوران نکاسی آب کے نظام کو مؤثر بنایا جا سکے اور شہریوں کو ممکنہ پریشانیوں سے بچایا جا سکے۔
چیف سینیٹری انسپکٹر نے اس موقع پر بتایا کہ شہر بھر کے تمام ہاٹ سپاٹس کی نشاندہی مکمل کر لی گئی ہے اور ان کی مرحلہ وار صفائی جاری ہے۔ میونسپل کارپوریشن کا عملہ دن رات محنت سے کام کر رہا ہے تاکہ گجرات کو صاف ستھرا، صحت مند اور خوشگوار ماحول فراہم کیا جا سکے۔
