لاہور، اداکارہ ہانیہ عامرکا کہنا ہے کہ کوئی پاکستانی مجھے عالیہ بھٹ کہے تو اچھا لگتا ہے۔
غیر ملکی میڈیا کے مطابق اداکارہ ہانیہ عامر نے کچھ عرصہ پہلے دیئے گئے انٹرویو میں بالی ووڈ سٹار عالیہ بھٹ کے لیے اپنی پسندیدگی کا اظہار کیا تھا۔
معروف اداکارہ کا کہنا تھا کہ کوئی مجھے عالیہ بھٹ سے ہم شکل قرار دیتا ہے تو خوشی ہوتی ہے۔
ہانیہ عامر کی جانب سے اپنے کامیاب کیریئر کا کریڈٹ عالیہ بھٹ کو دیتے ہوئے یہ کہا گیا کہ مجھے بہت سے پروجیکٹس صرف اسی بنیاد پر ملتے ہیں، کیونکہ میری شکل عالیہ بھٹ سے ملتی ہے، اگر کوئی برانڈ بھارت میں عالیہ بھٹ سے معاہدہ کرتا ہے تو وہ پاکستان میں مجھ سے بھی کرلیتا ہے۔
ہانیہ عامر نے کہا کہ عالیہ بھٹ بہت باصلاحیت اور زبردست اداکارہ ہیں جبکہ دیپیکا پڈکون اور رنبیرکپور بھی مجھے کافی اچھے لگتے ہیں۔
یاد رہے کہ خوبرو اداکارہ ہانیہ عامر بھارت میں بھی بہت معروف ہیں، گزشتہ دنوں ان کی بھارتی گلوکار دلجیت دوسانج کے برطانیہ میں کنسرٹ کی تصاویر اور ویڈیوز بھی وائرل ہوگئی تھیں۔
