کراچی، سینیٹر فیصل واوڈا کا کہنا ہے کہ چیخ چیخ کر بول رہا تھا ٹرمپ کے آنے سے کچھ نہیں ہوگا ویسے بھی تحریک انصاف چاہتی ہے بانی پی ٹی آئی عمران خان جیل میں رہیں، گرینڈ الائنس میں تمام گرینڈ پارٹیاں حکومت کے ساتھ ہیں۔
یہ بات فیصل واوڈا نے کسٹمز ایجنٹس کی پریس کانفرنس کے اختتام پر کہی، اس سے قبل کسٹمز ایجنٹس نے پریس کانفرنس کی، اس دوران فیصل واوڈا بھی پہنچے اور کہا کہ میں کسٹم ایجنٹس کے ساتھ یکجہتی کرنے نہیں آیا آپ کا مسئلہ حل کرنے آیا ہوں۔
فیصل واوڈا کا کہنا ہے کہ آپ سینیٹ کی فنانس کمیٹی میں تشریف لائیں، سلیم مانڈوی والا اس کے چیئرمین ہیں ہر مسئلے کے حل کیلئے فوج کو پکارا جارہا ہے، جب اکثریت مسئلے فوج نے حل کرنے ہیں تو اس کی تعریف تو کیا کریں۔
فیصل واوڈا کا کہنا ہے کہ سالانہ 4800 ارب روپے کا نقصان انتہائی قابلِ تشویش ہے، میڈیا کا کردار انتہائی اہم رہا ہے میڈیا اس طرز کے مسائل حل کرنے کی اہلیت رکھتا ہے، کسٹم ایجنٹس کے معاملے پر وزیرِ خزانہ اور وزیر مملکت سے اس مسئلے سے متعلق بات کروں گا ہم اس میں ملوث افسر پر بھی کارروائی کریں گے۔
سینیٹر کا کہنا ہے کہ ابھی تو میری ٹائم کی صرف فائل کو ہاتھ لگا کر 60 سے 70ارب روپے بدعنوانی پکڑی ہے ہوم ورک مکمل کرکے نام بھی سامنے لائیں گے۔
فیصل واوڈا کا کہنا ہے کہ چیخ چیخ کر بول رہا تھا ٹرمپ کے آنے سے کچھ نہیں ہوگا ویسے بھی پی ٹی آئی چاہتی ہے عمران خان جیل میں رہیں، گرینڈ الائنس میں شامل تمام گرینڈ پارٹیاں حکومت کے ساتھ ہیں کوئی گرینڈ الائنس یا ہنگامہ احتجاج نظر نہیں آرہا، ایک سمجھوتے کے تحت پی ٹی آئی والے بانی پی ٹی آئی کو جیل میں رکھے ہوئے ہیں سیاستدان بے ایمان مکار فنکار اور چور ہیں۔
