36
کوئٹہ میں موبائل ڈیٹا انٹرنیٹ سروس تیسرے روز بھی بحال نہ ہو سکی۔
یہ سروس جمعرات کی شام ناگزیر وجوہات کی بنا پر معطل کی گئی تھی۔
ترجمان حکومت بلوچستان شاہد رند کے مطابق، سکیورٹی خدشات کے پیش نظر موبائل ڈیٹا انٹرنیٹ سروس معطل کی گئی ہے۔
انٹرنیٹ سروس کی بندش کے باعث شہریوں کو شدید مشکلات کا سامنا کرنا پڑ رہا ہے۔
یاد رہے کہ بلوچستان میں امن و امان کی صورتحال بدستور تشویشناک ہے، جہاں مختلف علاقوں میں عسکریت پسند حملے، سرحدی کشیدگی اور امن و امان کے مسائل دیکھنے میں آ رہے ہیں۔
سکیورٹی خدشات کے پیش نظر کوئٹہ سمیت کئی علاقوں میں موبائل ڈیٹا انٹرنیٹ سروس کی معطلی عام ہو چکی ہے، جس سے عوام کو شدید مشکلات کا سامنا ہے،معاشی طور پر بلوچستان اب بھی دیگر صوبوں کے مقابلے میں پیچھے ہے، بے روزگاری، تعلیمی اداروں کی کمی، اور صحت کی سہولیات کی عدم دستیابی جیسے مسائل عام ہیں۔
