نیویارک، پاکستان نے اقوام متحدہ میں کشمیر سے متعلق قراردادوں پر عمل درآمد کی ضرورت پر زور دیا ہے۔
وزیراعظم کے معاون خصوصی طارق فاطمی نے سلامتی کونسل میں ہونے والی کھلی بحث میں خطاب کرتے ہوئے کہا کہ کشمیری عوام سے استصوابِ رائے کے ذریعے حقِ خودارادیت دینے کا وعدہ کیا گیا تھا۔
انہوں نے کہا کہ سلامتی کونسل پر لازم ہے کہ وہ کشمیری عوام کے اس حق کو یقینی بنائے۔ مسئلہ جموں و کشمیر بدستور سلامتی کونسل کے ایجنڈے کا حصہ ہے، اور بین الاقوامی امن و سلامتی کے قیام میں اس مسئلے کا حل اہم کردار ادا کرسکتا ہے۔
طارق فاطمی نے مزید کہا کہ سلامتی کونسل کی ذمہ داری ہے کہ وہ کشمیری عوام کے حقِ خودارادیت کو یقینی بنائے اور اس سلسلے میں عملی اقدامات کرے۔
دوسری جانب جنوبی وزیرستان،خیبر پختونخوا کے علاقے جنوبی وزیر ستان کے مختلف علاقوں میں آج کرفیو نافذ کر دیا گیا۔
ڈی سی جنوبی وزیرستان کے مطابق کل جنوبی وزیرستان کے علاقے عزیز آباد، سرویکئی، جنڈولہ، اسمان منزہ، مکین، لدھا، مولے خان سرائے، بی بی بی رغزئی، بروند، سراروغہ میں کرفیو نافذ کر دیا گیا ہے۔
