کرپشن اور کک بیکس ریفرنس: چوہدری پرویز الہٰی کو بڑا ریلیف مل گیا

سابق وزیراعلیٰ پنجاب چودھری پرویز الٰہی کو احتساب عدالت لاہور سے بڑا ریلیف مل گیا۔

سابق وزیراعلیٰ پنجاب چوہدری پرویز الہٰی کو احتساب عدالت لاہور سے بڑا ریلیف مل گیا، عدالت نے کرپشن اور کک بیکس ریفرنس میں انہیں حاضری سے مستقل استثنیٰ دے دیا۔

احتساب عدالت لاہور میں چوہدری پرویز الہٰی اور دیگر ملزمان کے خلاف کرپشن اور کک بیکس ریفرنس پر سماعت ہوئی، جس دوران عدالت نے بیماری کی بنیاد پر پرویز الہٰی کی مستقل حاضری سے استثنیٰ کی درخواست منظور کر لی۔ اس کے ساتھ ہی عدالت نے ان کی جگہ حاضری کے لیے انوار حسین کو پلیڈر مقرر کر دیا۔

سماعت کے دوران پرویز الہٰی کے وکیل انوار حسین عدالت میں پیش ہوئے، جبکہ سابق پرنسپل سیکریٹری محمد خان بھٹی آج عدالت میں پیش نہ ہوئے۔ بعدازاں عدالت نے دیگر ملزمان کی موجودگی کے پیش نظر کیس کو انتظار میں رکھ دیا۔