28 کراچی کنگز نے پی ایس ایل سیزن 10 میں دو اہم کھلاڑیوں کو شامل کرلیا۔
کراچی کنگز نے پی ایس ایل سیزن 10 میں دو اہم کھلاڑیوں کو شامل کرلیا۔
کراچی کنگز کی جانب سے آسٹریلوی وکٹ کیپر بیٹر بین میکڈرموٹ اور پاکستان انڈر 19 کے کپتان سعد بیگ کو ٹیم کا حصہ بنا دیا گیا ہے۔
بنگلا دیش کے لِٹن داس اور نیوزی لینڈ کے کین ولیمسن کی جگہ پر بین میکڈرموٹ اور سعد بیگ کو ٹیم کا حصہ بنایا گیا ہے۔
واضح رہے کہ پاکستان سپر لیگ (پی ایس ایل) 10 میں آج ملتان سلطانز اور کراچی کنگزکے درمیان میچ کھیلا جائے گا۔
تاہم کراچی کنگز کا میچ شروع ہونے سے قبل ہی وکٹ کیپر بیٹر لٹن داس زخمی ہونے کی وجہ سے ایونٹ سے باہر ہوگئے تھے۔
لٹن داس انٹرا اسکواڈ میچ کے دوران سیدھے ہاتھ پر گیند لگنے سے زخمی ہوئےتھے جس کے باعث ڈاکٹرز نے انہیں دو ہفتے آرام کی تجویز دی تھی۔
