119
کراچی، یکم سے 25 جنوری تک کتے کے کاٹنے کے کیسز میں اضافہ دیکھنے میں آیا ہے۔
ریبیز کلینک کی انچارج ڈاکٹر رومانہ فرحت کے مطابق سول اسپتال میں کتے کے کاٹنے کے 2 ہزار سے زائد کیسز رپورٹ ہوئے جبکہ سول اسپتال میں کتے کے کاٹنے کے یومیہ 150 کیسز رپورٹ ہو رہے ہیں۔
ایمرجنسی انچارج ڈاکٹر عرفان کے مطابق جناح اسپتال میں 25 دنوں میں کتے کے کاٹنے کے 1500 کیسز رپورٹ ہوئے۔
دوسری جانب طبی ماہرین نے کہا کہ کتے کے کاٹنے کے زخم کو فوری طور پر صابن سے دھونا ضروری ہے، علاوہ ازیں متاثرہ افراد کو اینٹی ریبیز ویکسین اور حفاظتی کورس مکمل کرنا بھی ضروری ہے۔
واضح رہے کہ حالیہ سالوں میں کتے کے کاٹنے کے کیسز میں پورے پاکستان میں اضافہ دیکھنے میں آیا ہے، آوارہ کتوں کی تعداد میں وقت کیساتھ ساتھ اضافہ ہورہا ہے، آوارہ کتے جب کبھی ہلکے ہوجائیں تو یہ پوری کمیونٹی کیلئے ایک مسئلہ بن جاتے ہیں۔
