لاہور، پاکستان شوبز انڈسٹری کی معروف و خوبرو اداکارہ کبریٰ خان اور اداکار گوہر رشید کی شادی کی تاریخ فائنل ہوگئی جبکہ کارڈ بھی سامنے آگیا۔
شوبز انڈسٹری کی ممتاز دوست جوڑی، اداکارہ کبریٰ خان اور اداکار گوہر رشید آئندہ ماہ شادی کے بندھن میں بندھنے جا رہے ہیں۔
اس جوڑی کی شادی کا کارڈ سوشل میڈیا پر وائرل ہو گیا ہے جس کے بعد ان کی شادی کی تاریخ بھی سامنے آ گئی ہے، اداکارہ کبریٰ اور گوہر کے شادی کارڈ کے مطابق یہ حسین جوڑی آئندہ مہینے 2 فروری بروز اتوار کو شادی کرنے جا رہی ہے۔
اس جوڑی کی شادی کا سن کر جہاں انڈسٹری والے بے حد خوش نظر آ رہے ہیں، وہیں مداح و صارفین بھی اس جوڑی کے لیے سوشل میڈیا پلیٹ فارمز پر ان کے مستقبل کے لیے دعاؤں اور نیک تمناؤں کا اظہار کر رہے ہیں۔
دوسری جانب اس شادی سے متعلق سوشل میڈیا پر یہ خبر بھی گردش کر رہی ہے کہ اس اداکار جوڑی کا نکاح سعودی عرب میں ہوگا۔
سوشل میڈیا پر اس شادی کے حوالے سے یہ بھی کہا جا رہا ہے کہ گوہر رشید اور کبریٰ خان کے قریبی عزیز و اقارب بھی نکاح کی تقریب میں شرکت کے لیے سعودی عرب جانے کی تیاری کر رہے ہیں۔
یاد رہے کہ ابھی تک کبریٰ اور گوہر کے نکاح کی تقریب کے بارے میں سامنے آنے والی اس تفصیل کی تصدیق نہیں ہوئی ہے۔
View this post on Instagram
