79
کان کنی میں مرکری کے استعمال پر پابندی عائد کردی گئی۔
پشاور ہائیکورٹ کی جانب سے کان کنی میں مرکری کے استعمال پر پابندی عائد کردی گئی۔
چیف جسٹس پشاور ہائیکورٹ اشتیاق ابراہیم اور جسٹس وقار کی جانب سے کوہاٹ میں سونے کی کان کنی میں مرکری استعمال کرنے کے خلاف درخواست پر سماعت کی گئی۔
سماعت کے دوران وکیل درخواست گزار کی جانب سے مؤقف اختیار کیا گیا کہ کان کنی کے دوران مرکری کے استعمال سے علاقے میں پانی زہر آلودہ ہوتا جارہا ہے، سونا نکالنے کے لیے مرکری کو جلایا جاتا ہے جبکہ مرکری کے استعمال پر دنیا بھر میں پابندی ہے۔
وکلا کے دلائل کے بعد عدالت کی جانب سے کان کنی میں مرکری کے استعمال پر پابندی عائد کرنے کا حکم دیاگیا۔
عدالت کی جانب سے محکمہ معدنیات کے حکام کو نوٹس جاری کرتے ہوئے آئندہ سماعت پر طلب کرلیا اور سماعت ملتوی کردی گئی۔
