52
ڈی آئی خان، خاندانی تنازع پر فائرنگ کے نتیجے میں 4 افراد جان کی بازی ہار گئے۔
ڈیرہ اسماعیل خان کے علاقے شیرکہنہ میں خاندانی تنازع کے دوران فائرنگ کا واقعہ پیش آیا، جس میں 4 افراد جاں بحق جبکہ 2 زخمی ہوگئے۔
پولیس کے مطابق یہ افسوسناک واقعہ رات گئے دو سگے بھائیوں کے درمیان جھگڑے کے نتیجے میں پیش آیا، جہاں ایک بھائی نے طیش میں آکر دوسرے بھائی کے اہلخانہ پر گولیاں برسا دیں، جس کے نتیجے میں شوہر، بیوی، بیٹی اور ایک قریبی رشتہ دار زندگی کی بازی ہار گئے۔
حکام کے مطابق فائرنگ کے نتیجے میں 55 سالہ سعد اللہ، ان کی 37 سالہ اہلیہ، 12 سالہ بیٹی اور رشتہ دار ابوبکر موقع پر جاں بحق ہو گئے، جبکہ 15 سالہ اور 9 سالہ بیٹے زخمی ہوئے، جنہیں فوری طور پر طبی امداد کے لیے اسپتال منتقل کر دیا گیا۔
پولیس کا کہنا ہے کہ واقعے کے بعد ملزمان فرار ہو گئے، جن کی گرفتاری کے لیے چھاپے مارے جا رہے ہیں۔
