ڈپٹی کمشنر صفدر حسین ورک کی زیر صدارت ڈینگی ایس او پیز کے حوالے سے ایک اہم اجلاس منعقد ہوا۔
ڈپٹی کمشنر صفدر حسین ورک کی زیر صدارت ڈینگی ایس او پیز کے حوالے سے ایک اہم اجلاس منعقد ہوا۔ اجلاس میں محکمہ صحت، میونسپل کارپوریشن اور دیگر متعلقہ اداروں کے افسران نے شرکت کی۔
ڈپٹی کمشنر نے ہدایت کی کہ ضلع بھر میں ڈینگی کے تدارک کے لئے فوری اقدامات کئے جائیں اور تمام ادارے باہمی تعاون سے اس مہم کو کامیاب بنائیں۔
ڈپٹی کمشنر صفدر حسین ورک نے کہا کہ عوام میں ڈینگی سے بچاؤ کے بارے میں شعور پیدا کرنا انتہائی ضروری ہے۔
انہوں نے فیلڈ ٹیموں کو ہدایت کی کہ وہ گھر گھر جا کر ان ڈور اور آؤٹ ڈور سرویلنس کو یقینی بنائیں۔
ان کا کہنا تھا کہ شہریوں کو صفائی کی عادت اپنانے اور پانی کھڑا ہونے سے بچانے کے لئے آگاہ کیا جائے تاکہ ڈینگی کے پھیلاؤ کو روکا جا سکے
ڈپٹی کمشنر نے مزید کہا کہ ڈینگی اسپرے اور لاروا سرویلنس کے عمل کو تیز کیا جائے اور حساس علاقوں میں مانیٹرنگ کو مؤثر طریقے سے جاری رکھا جائے۔
