ڈپٹی کمشنر گجرات صفدر حسین ورک نے رمضان المبارک کے پہلے روز ماڈل بازار کے مقام پر قائم رمضان سہولت بازار کا دورہ کیا اور اشیائے ضروریہ کی قیمتوں، معیار اور سہولیات کا تفصیلی جائزہ لیا۔
گجرات: ڈپٹی کمشنر گجرات صفدر حسین ورک نے رمضان سہولت بازار کا دورہ کیا اور اشیائے خورونوش کی قیمتوں، معیار اور دستیابی کا تفصیلی جائزہ لیا۔ انہوں نے مختلف اسٹالز پر جا کر خود اشیاء کی کوالٹی چیک کی اور وزن و پیمائش کے نظام کا معائنہ کیا۔
ڈپٹی کمشنر نے بازار میں خریداری کے لیے آئے شہریوں سے ملاقات کر کے فراہم کی جانے والی سہولیات پر ان کی رائے لی۔ شہریوں نے رمضان بازار میں رعایتی نرخوں اور انتظامات پر اطمینان کا اظہار کیا، تاہم بعض شکایات پر ڈپٹی کمشنر نے موقع پر احکامات جاری کیے۔
انہوں نے انتظامیہ کو ہدایت کی کہ اشیائے خورونوش کی وافر مقدار میں دستیابی یقینی بنائی جائے، نرخوں پر سختی سے عمل درآمد ہو، اور معیار پر کوئی سمجھوتہ نہ کیا جائے۔ انہوں نے مزید کہا کہ خریداروں کو صاف ستھرا ماحول اور بہترین سہولیات فراہم کی جائیں تاکہ رمضان بازار حقیقی معنوں میں عوام کو ریلیف دے سکے۔
