واشنگٹن، امریکی صدر ڈونلڈ ٹرمپ کی جانب سے بھارت کو اربوں ڈالر کا فوجی سامان دینے کا اعلان کر دیا گیا۔
امریکی صدر ڈونلڈ ٹرمپ کی جانب سے بھارتی وزیراعظم نریندر مودی سے ملاقات کے بعد مشترکہ پریس کانفرنس کی گئی، مشترکہ پریس کانفرنس میں امریکی صدر ڈونلڈ ٹرمپ نے ممبئی حملوں کا ذکر کیا، بھارتی وزیراعظم کا شکریہ، ہم انہیں ایف 35 سمیت کئی ارب ڈالر کا فوجی سامان دیں گے۔
امریکی صدر کا کہنا ہے کہ بھارت جتنا ٹیرف لگائے گا ہم بھی اتنا ہی لگائیں گے، انتہا پسند دہشت گردی کا بھارت کیساتھ ملکر مقابلہ کریں گے، یوکرین کو نیٹو میں نہیں ہونا چاہئے۔
ڈونلڈ ٹرمپ کا کہنا ہے کہ جنگ کی وجہ یوکرین کو نیٹو میں شامل کرنے کی بات تھی، چین سے امریکا کے بہت اچھے تعلقات ہوں گے، چین ہمیں یوکرین جنگ ختم کرنے میں مدد دے سکتا ہے۔
بھارتی وزیراعظم نریندر مودی کی جانب سے تجارت کا حجم دوگنا کرنے کے عزم کا اظہار کیاگیا، امریکی یونیورسٹیوں کو بھارت میں کیمپس کھولنے کی دعوت دی، انہوں نے امریکی صدر کو دورہ بھارت کی دعوت دی، امریکا خود کو عظیم بنانا چاہتا ہے ہم بھی بھارت کو عظیم بنانا چاہتے ہیں۔
نریندر مودی کا کہنا ہے کہ لاس اینجلس میں نیا بھارتی سفارتخانہ کھولیں گے۔
