100
پاکستان کے ہمسایے ملک چین میں ممکنہ طور پر دنیا کا سب سے بڑا سونے کا ذخیرہ دریافت ہوا ہے۔
غیر ملکی میڈیا کا کہنا ہے کہ چین کے صوبے ہنان میں ایک اندازے کے مطابق 1 ہزار میٹرک ٹن اعلیٰ معیار کا سونا موجود ہے، اس سونے کے ڈپازٹ کی مالیت 83 ارب امریکی ڈالرز سے زائد بتائی جا رہی ہے۔
ابتدائی تحقیقات کے مطابق 2 کلومیٹر کی گہرائی میں تقریباً 300 میٹرک ٹن سونے کا پتہ چلا ہے، زیادہ گہرائی میں مزید سونے کے ذخائر ہونے کا اندازہ لگایا گیا ہے۔
چین کے مقامی جیولوجیکل بیورو کے اندازے کے مطابق سونے کے مزید ذخائر 3 ہزار میٹر کی گہرائی میں پائے جائیں گے، ایسا درست ہونے کی صورت میں سونے کے ذخائرکی مالیت 83 ارب ڈالرز ہو سکتی ہے۔
اس سے پہلے سونے کے سب سے بڑے ذخائر جنوبی افریقا، انڈونیشیا، روس، چلی، امریکا اور دیگر ممالک میں موجود ہیں، اب چین بھی اس صف میں شامل ہو جائے گا۔
