چوروں اور ڈاکوؤں سے لوگوں کو بچانے کے لیے چین میں پولیس نے انسان نما روبوٹس سے مدد لینا شروع کر دی ہے۔
چین میں پولیس نے چوروں اور ڈاکوؤں سے نمٹنے کے لیے انسان نما روبوٹس کی مدد لینا شروع کر دی ہے۔ جنوبی چین کے شہر شینزن میں یہ روبوٹس انسانی پولیس اہلکاروں کے ساتھ گلیوں میں گشت کرتے نظر آ رہے ہیں۔
یہ روبوٹس عوام کی توجہ کا مرکز بن چکے ہیں کیونکہ وہ لوگوں سے بات چیت کرنے کے علاوہ ہجوم کو ہاتھ بھی ہلاتے ہیں اور روبوٹک آواز میں احکامات دیتے ہیں۔ 1.38 میٹر لمبے اور 40 کلوگرام وزنی ان روبوٹس کی قیمت 88 ہزار یوآن ہے۔
ان کی نقل و حرکت جدید لرننگ الگورتھم پر مبنی ہے، جو انہیں انسانی انداز میں چلنے اور پیچیدہ کام انجام دینے کے قابل بناتی ہے۔ طاقتور چپس اور سنسرز کی مدد سے یہ روبوٹس اردگرد کے ماحول کو پہچان سکتے ہیں اور وائس کمانڈز پر ردعمل دے سکتے ہیں۔
پی ایم 01 نامی یہ روبوٹ ایک مقامی کمپنی نے تیار کیا ہے اور انہیں خاص طور پر پولیس فورس کے لیے استعمال کیا جا رہا ہے تاکہ اہلکاروں کا بوجھ کم کیا جا سکے۔
