چیمپئنز ٹرافی کیلئے قومی کرکٹ ٹیم کا اعلان کردیا گیا

آئی سی سی چیمپئنز ٹرافی 2025 کے لیے 15 رکنی پاکستان کرکٹ ٹیم کا اعلان کردیا گیا، یہی ٹیم نیوزی لینڈ اور جنوبی افریقہ کے خلاف سہ فریقی ون ڈے سیریز میں بھی حصہ لے گی۔

لاہور، پاکستان کرکٹ بورڈ (پی سی بی) نے سہ فریقی سیریز اور چیمپئنز ٹرافی 2025 کے لیے قومی ٹیم کا اعلان کر دیا ہے۔ سلیکٹر اسد شفیق کے مطابق ٹیم میں کچھ اہم تبدیلیاں اور واپسی ہوئی ہیں، جن میں فخر زمان، خوشدل شاہ، سعود شکیل، اور فہیم اشرف شامل ہیں۔

یہ بھی پڑھیں

فخر زمان کے اوپننگ پارٹنر کے طور پر بابر اعظم یا سعود شکیل میں سے کسی کو منتخب کیا جا سکتا ہے۔ اسد شفیق نے مزید کہا کہ ٹیم کے انتخاب میں ہوم کنڈیشنز میں کارکردگی کو مدنظر رکھا گیا ہے، تاکہ چیمپئنز ٹرافی میں بہترین نتائج حاصل کیے جا سکیں۔

انہوں نے نوجوان کھلاڑی صائم ایوب کے حوالے سے کہا کہ ہمیں اندازہ ہے کہ ان کے لیے چیمپئنز ٹرافی نہ کھیلنا مایوس کن ہوگا، لیکن ہم ان کے کیریئر کے لیے جلد بازی میں کوئی فیصلہ نہیں کرنا چاہتے۔