150
چیف جسٹس قاضی فائز عیسیٰ کے اعزاز میں الوداعی فل کورٹ ریفرنس 25 اکتوبر کو ہوگا۔
اسلام آباد: چیف جسٹس قاضی فائز عیسیٰ کے اعزاز میں 25 اکتوبر کو سپریم کورٹ میں الوداعی فل کورٹ ریفرنس منعقد ہوگا، جس میں نامزد چیف جسٹس یحییٰ آفریدی بھی خطاب کریں گے۔ اس حوالے سے ذرائع کا کہنا ہے کہ فل کورٹ ریفرنس کا انعقاد جمعہ کے روز ساڑھے 10 بجے ہوگا، جس سے چیف جسٹس قاضی فائز عیسیٰ اور نئے چیف جسٹس یحییٰ آفریدی دونوں خطاب کریں گے۔
دوسری جانب، نامزد چیف جسٹس یحییٰ آفریدی کی حلف برداری کی تقریب کے انتظامات بھی شروع کر دیے گئے ہیں۔ ایوانِ صدر کی جانب سے تقریب کے لیے مہمانوں کی فہرست طلب کی گئی ہے، اور تقریب میں ڈھائی سے تین سو مہمانوں کی شرکت متوقع ہے۔
جسٹس یحییٰ آفریدی 26 اکتوبر کو بطور چیف جسٹس پاکستان صدرِ مملکت آصف علی زرداری سے حلف لیں گے۔ حلف برداری کی تقریب ایوانِ صدر میں صبح 11 بجے منعقد ہوگی۔
