109
اسلام آباد، چیف جسٹس آف پاکستان قاضی فائز عیسیٰ ریٹائرمنٹ سے پہلے چیمبر ورک پر چلے گئے۔
ذرائع کا کہنا ہے کہ چیف جسٹس پاکستان قاضی فائز عیسیٰ چیمبر ورک کے دوران فیصلے لکھیں گے جب کہ فائز عیسیٰ کے چیمبر ورک پر جانے کے بعد سینئر ترین جج جسٹس منصور علی شاہ کا بینچ کمرہ عدالت نمبر ایک میں منتقل کردیا گیا ہے۔
یاد رہے کہ چیف جسٹس قاضی فائز عیسیٰ 25 اکتوبر کو ریٹائر ہوجائیں گے اور نئے چیف جسٹس کے تقرر کیلئے 3 سینئر ججز کے ناموں پر پارلیمانی کمیٹی آج غور کرے گی۔
دوسری جانب صدر پاکستان مسلم لیگ (ن) و سابق وزیراعظم میاں نواز شریف 25 اکتوبر سے بیرون ملک دوروں پر روانہ ہوں گے۔
پارٹی ذرائع کا کہنا ہے کہ میاں نوازشریف جمعہ 25 اکتوبر کو لاہور سے 5 ملک کے دوروں کے لئے روانہ ہوں گے۔
سابق وزیراعظم میاں نوازشریف دبئی، امریکا، لندن اور یورپ کے دورے کریں گے،صدر مسلم لیگ (ن) نوازشریف 25 اکتوبر کو لاہور سے دبئی کےلئے روانہ ہوں گے۔
