149
وفاقی وزیر مذہبی امورچوہدری سالک حسین سے پاکستانی نژاد برطانوی باکسر عامر خان نے ملاقات کی ہے۔
ملاقات میں ثقافتی سفارت کاری میں کھیلوں کی اہمیت کو اُجاگر کیا گیا، وفاقی وزیر چوہدری سالک حسین نے کہا کہ کھلاڑی بین الثقافتی مکالمے اور کمیونٹی کی یکجہتی کو فروغ دینے میں اہم کردار ادا کرسکتے ہیں۔
انہوں نے کہا کہ کھیلوں اور صحتمندانہ سرگرمیوں کو فروغ دے کر انتہاپسندی کے رجحانات کو ختم کیا جا سکتا ہے، سمندر پار پاکستانیوں کے لئے سپانسرشپ حج سکیم میں مزید سہولتیں اور آسانیاں پیدا کی گئی ہیں۔
باکسر عامر خان نے کہا کہ برطانیہ کے ساتھ ساتھ پوری دنیا میں سمندر پار پاکستانی پاکستان کے ساتھ بہت گہری محبت اور لگاؤ رکھتے ہیں، اقلیتوں کے حقوق کے حوالے سے پاکستان کا کردار اہم ہے۔
ان کا کہنا تھا کہ پاکستان میں مذہبی ٹوورازم کے فروغ کے لئے بہت مواقع موجود ہیں، سمندر پار پاکستانی پاکستان میں سرمایہ کاری کرنے کے لئے پُرعزم ہیں۔
