96
پی ٹی آئی رہنماؤں کی عبوری ضمانت میں 4 فروری تک توسیع کر دی گئی۔
اسلام آباد، انسداد دہشت گردی عدالت اسلام آباد کی جانب سے پاکستان تحریک انصاف کے رہنماؤں کی عبوری ضمانت میں 4 فروری تک توسیع کر دی گئی۔
اسلام آباد کی انسداد دہشتگردی عدالت کے ڈیوٹی جج طاہر عباس سپرا نے سپریم کورٹ کے باہر پی ٹی آئی کے احتجاج سے متعلق کیس میں ضمانت کی درخواستوں پر سماعت کی۔
سماعت کے دوران پی ٹی آئی رہنما شبلی فراز، بیرسٹر گوہر، سردار مصروف، فلک ناز، انصر کیانی و دیگر عدالت میں پیش ہوئے، ملزمان کی جانب سے ریاست علی آزاد ایڈووکیٹ عدالت میں پیش ہوئے۔
عدالت کی جانب سے پی ٹی آئی رہنماؤں کی عبوری ضمانت میں 4 فروری تک توسیع کرتے ہوئے کیس کی سماعت ملتوی کر دی گئی۔
واضح رہے کہ ملزمان کے خلاف تھانہ سیکرٹریٹ میں 4 مقدمات درج ہیں۔
