22
پی ٹی آئی میں ایک نہیں بہت سے دھڑے موجود ہیں،پی ٹی آئی رہنما کا تہلکہ خیر اعتراف سامنے آگیا۔
پاکستان تحریک انصاف میں دھڑے بندیوں کی خبریں کافی ٹائم سے زیرگردش ہیں تاہم صدر پی ٹی آئی خیبر پختونخوا جنید اکبر نے بھی پارٹی میں اختلافات کا اعتراف کرلیا۔ انہوں نے کہا کہ پی ٹی آئی میں ایک نہیں بلکہ بہت سے دھڑے موجود ہیں۔
میڈیا سے گفتگو کرتے ہوئے جنید اکبر کا کہناتھا کہ تحریک انصاف میں صرف بانی پی ٹی آئی اور ان کے ورکرز ہیں، بانی پی ٹی آئی جس پر ہاتھ رکھیں گے وہ ہی سب سے آگے آئے گا۔
انہوں نے مزید کہا کہ سب چھوڑ کر چلے گئے ہیں، پارٹی میں کوئی بڑا نام نہیں رہ گیا سب ہمارے جیسے ہی عام لوگ ہیں۔
لوگ کیوں نہیں نکل رہے اس سوال کا جواب دیتے ہوئے انہوں نے کہا کہ پنجاب کے لوگ کیوں نہیں نکل رہے یہ سوال پنجاب کی قیادت سے پوچھا جائے،جبکہ خیبر پختونخوا سے تو آج بھی لوگ نکل رہے ہیں تاہم ہمارے ورکرزکو ڈرایا جاتا ہے۔
