148
لاہور پولیس نے ایک ایسے مانگنے والے کو حراست میں لیا ہے جس نے بتایا کہ لڑکی والوں نے رشتہ دینے کیلئے بھکاری بننے کی شرط رکھی ہے۔
نجی ٹی وی چینل کے مطابق لاہور میں پولیس کی جانب سے ایک ایسے بہروپیے کو گرفتار کیا گیا ہے جس نے بعد از گرفتاری یہ بتایا ہے کہ لڑکی والے کہتے ہیں کہ پہلے بھکاری بنو پھر لڑکی کا رشتہ دیں گے۔
بھکاری نے دوران حراست یہ انکشاف کیا ہے کہ لڑکی والوں میں بھکاری کی اہمیت زیادہ ہے۔
لاہور پولیس نے بھکاری کو رینگتے ہوئے پکڑا ہے، جو نوسربازی کے ذریعے شہریوں سے بھیک مانگ رہا تھا۔
اہلکاروں نے بتایا کہ بھکاری باٹا پور کے قریب شاہراہ سے پکڑا گیا، جو معذور بننے کا ڈرامہ کر کے شہریوں سے بھیک مانگتا تھا۔
ملزم بھکاری کیخلاف گداگری ایکٹ کا مقدمہ درج کرلیا گیا ہے۔
