پنجاب کے مختلف شہروں میں بارش کے بعد ٹھنڈ کا احساس بڑھ گیا۔
پنجاب میں ملتان، شیخوپورہ، حافظ آباد اور کوٹ ادو سمیت پنجاب کے مختلف اضلاع میں بارش ہوئی جس سے جاتی سردی پھر لوٹ آئی ہے۔
محکمہ موسمیات کا بتانا ہے کہ آج اسلام آباد، پنجاب، خیبرپختونخوا، گلگت بلتستان، کشمیر، مری اور گلیات میں بارش ہوسکتی ہے جب کہ پہاڑوں پر برفباری کا امکان ہے۔
دوسری جانب بلوچستان کے علاقوں قلعہ عبداللہ، پشین، مسلم باغ، ہرنائی اور لورالائی میں کہیں ہلکی کہیں موسلادھار بارش ہوئی، زیارت، توبہ اچکزئی، توبہ کاکڑی کے بالائی علاقوں میں برف باری ہوئی جب کہ باجوڑ کے میدانی و پہاڑی علاقوں میں بارش دیکھنے میں آئی۔
ایس ڈی ایم اے نیلم کا بتانا ہے کہ جاگراں ویلی میں برفباری کے دوران سیاحوں کی گاڑی پھنس گئی جس کے بعد ریسکیو 1122کی ٹیموں نےتمام سیاحوں کو بحفاظت منتقل کردیا۔
دوسری جانب محکمہ شاہرات کے مطابق جاگراں ویلی کٹن روڈ سے برف ہٹادی گئی جس کے بعد روڈ بحال ہوگیا ہے۔
