64
پشاور ہائیکورٹ کی جانب سے وزیراعلیٰ خیبر پختونخوا علی امین گنڈاپور کی حفاظتی ضمانت میں 3 ہفتوں کی توسیع کردی گئی۔
چیف جسٹس پشاور ہائیکورٹ اشتیاق ابراہیم اور جسٹس وقار احمد نے علی امین گنڈاپور کی حفاظتی ضمانت اور مقدمات کی تفصیلات کے لیے دائر درخواست پر سماعت کی۔
عدالت میں دلائل دیتے ہوئے ایڈووکیٹ جنرل خیبرپختونخوا نے کہا کہ وزیراعلیٰ علی امین، اسپیکر قومی اسمبلی ایاز صادق کی سربراہی میں مذاکراتی میٹنگ کے لیے گئے ہیں، وہ پیش نہیں ہوسکتے اس لیے استثنیٰ کی درخواست دائر کی ہے۔
سماعت کے بعد پشاور ہائیکورٹ کی جانب سے وزیراعلیٰ کی حفاظتی ضمانت میں 3 ہفتوں کی توسیع کرتے ہوئے علی امین گنڈاپور کو درج مقدمات میں گرفتار نہ کرنے کا حکم دے دیا گیا۔
اسکے بعد عدالت کی جانب سے کیس کی مزید سماعت 11 فروری تک ملتوی کردی گئی۔
