20 گورنر اسٹیٹ بینک جمیل احمد نے کہا ہے کہ پاکستان کے زرمبادلہ کے ذخائر میں بہتری آئی ہے، تاہم انہیں مزید مستحکم کرنے کی ضرورت ہے۔
گورنر اسٹیٹ بینک جمیل احمد نے کہا ہے کہ پاکستان کے زرمبادلہ کے ذخائر میں بہتری آئی ہے، تاہم انہیں مزید مستحکم کرنے کی ضرورت ہے۔
پاکستان اسٹاک ایکسچینج میں فنانشل لٹریسی اور بینکنگ اینڈ فنانس کے حوالے سے ہونے والی تقریب سے خطاب کرتے ہوئے انہوں نے کہا کہ فنانشل لٹریسی کو بڑھانے کے لیے ایسے پروگراموں کا انعقاد خوش آئند ہے۔
انہوں نے 2022 میں مہنگائی کے مسائل کا ذکر کیا اور کہا کہ اس صورتحال سے نمٹنے کے لیے کارپوریٹ سیکٹر کے ساتھ مل کر کام کرنے کی ضرورت ہے، جمیل احمد نے مزید بتایا کہ ملک نے سخت فیصلے کیے ہیں جن کے نتیجے میں درآمدات کو کافی حد تک کم کیا گیا ہے، اور ایل سیز میں تاخیر کے مسائل کو حل کیا گیا ہے۔
گورنر اسٹیٹ بینک نے مہنگائی کی شرح میں بتدریج کمی کی بات کی اور کہا کہ مانیٹری پالیسی کمیٹی کی توقعات کے مطابق مہنگائی میں کمی آئی ہے۔
انہوں نے کرنٹ اکاؤنٹ کے سرپلس ہونے کا ذکر کرتے ہوئے کہا کہ اس سال کرنٹ اکاؤنٹ 7 ملین ڈالر سرپلس رہا ہے۔
