114
ترجمان امریکی وزارت خارجہ میتھیو ملر کا کہنا تھا کہ دہشت گردی کیخلاف جنگ میں پاکستان کے ساتھ کھڑے ہیں۔
واشنگٹن، ترجمان امریکی وزارت خارجہ میتھیو ملر کا کہنا ہے کہ دہشت گردی کیخلاف جنگ میں پاکستان کے ساتھ کھڑے ہیں، پاکستان سمیت دنیا بھر میں احتجاج پر امن ہونے چاہئیں۔
ترجمان امریکی وزارت خارجہ میتھیو ملر نے پریس بریفنگ کے دوران کہا کہ حکومت پاکستان کو مظاہرین کیساتھ احترام سے نمٹنا چاہیے، ہندوستانی ہم منصب کے ساتھ سکھ رہنما کے قتل کی سازش پر بات ہوتی ہے۔
ترجمان امریکی وزارت خارجہ نے ڈونلڈ ٹرمپ کی نامزد کابینہ کے ارکان کو دھمکیاں ملنے سے متعلق سوال کا جواب دینے سے گریز کیا، میتھیو ملر کا کہنا تھا کہ امریکا شام میں سیاسی عمل کے ذریعے خانہ جنگی کا خاتمہ چاہتا ہے۔
ترجمان امریکی وزارت خارجہ کا کہنا تھا کہ ایران، عراق سے جنگجوؤں کے ذریعے شامی صدر کی حمایت کر رہا ہے، لبنان جنگ بندی کو امریکا اور فرانس مانیٹر کررہے ہیں۔
