74
اسلام آباد، وزیراعظم محمد شہباز شریف کا کہنا ہے کہ پاکستانی قوم ترک صدر اور خاتون اول کا پرتپاک خیر مقدم کرتی ہے۔
وزیراعظم محمد شہباز شریف کی جانب سے ترکیہ کے صدر کی پاکستان آمد پر اپنے بیان میں کہا گیا کہ صدر طیب اردوان بصیرت والے سیاست دان ہیں جنہوں نے ترکیہ کو بدل دیا، صدر اردوان کی قیادت میں پاک ترک برادرانہ تعلقات مضبوط تر ہوتے جا رہے ہیں۔
محمد شہباز شریف نے کہا کہ ترکیہ صدر کے دورے پر ان مضبوط تعلقات کو مزید بلندیوں تک پہنچانے کے خواہشمند ہیں۔
دوسری جانب وفاقی وزیرداخلہ محسن نقوی کی جانب سے کراچی کے شہریوں کی سہولت کے لیے نادرا میگا سینٹر نارتھ ناظم آباد میں قائم پاسپورٹ آفس کا افتتاح کردیاگیا۔
وزیرداخلہ محسن نقوی کی جانب سے ڈی جی پاسپورٹ مصطفیٰ جمال قاضی کے ساتھ نادرا میگا سینٹر نارتھ ناظم آباد میں قائم پاسپورٹ آفس کا افتتاح کیاگیا۔
